కంటెంట్ ఓరియెంటెడ్ సినిమాలకి కేరాఫ్ అడ్రెస్ గా నిలుస్తున్న యంగ్ హీరో అడవి శేష్. క్షణం నుంచి ఎవరు వరకూ తన మార్క్ ఎక్కడా మిస్ అవ్వకుండా అడవి శేష్ జానర్ మూవీ అనే రేంజ్ కి వెళ్లిన ఈ హీరో యాక్ట్ చేస్తున్న లేటెస్ట్ మూవీ మేజర్. ముంబై బాంబ్ బ్లాస్ట్స్ లో దేశం కోసం మరణించిన మేజర్ ఉన్నికృష్ణన్ కథతో ఈ సినిమా తెరకెక్కుతుంది. సూపర్ స్టార్ మహేశ్ బాబు ప్రొడ్యూస్ చేస్తున్న ఈ సినిమా పాన్ ఇండియా లెవల్లో రిలీజ్ కాబోతుంది. ఇప్పటికే ఈ మూవీ నుంచి చిన్న గ్లిమ్స్ రిలీజ్ అయ్యి, మేజర్ ఎలా ఉండబోతుందో చూపించింది. ఇక థియేటర్స్ లో ఈ సినిమాని జులై 2న చూడడమే ఆలస్యం అనుకుంటున్న టైములో కరోనా సెకండ్ వేవ్ వచ్చి పడింది. ఈ కరోనా కారణంగా మేజర్ సినిమాని అనుకున్న టైంకి విడుదల చేయలేకపోతున్నట్లు అడవి శేష్ అనౌన్స్ చేశాడు. ఈ విషయాన్నీ ట్విట్టర్ ద్వారా తెలియజేసిన శేష్, మేజర్ సినిమా మాములుగా ఉండదు. ఐ ప్రామిస్ అంటూ ట్వీట్ చేశాడు. దేశ భక్తి కథలకి, వీరుల సినిమాలకి మన దేశంలో గిరాకీ ఎప్పుడూ ఉంటుంది కాబట్టి మేజర్ సినిమా ఎప్పుడు ప్రేక్షకుల ముందుకి వచ్చినా హిట్ అవ్వడం గ్యారెంటీ. సో ఆ మొమెంట్ కోసం వెయిట్ చేస్తూ ఉందాం. Till Then Stay Home Stay Safe. Avoid Roaming Outside.
