సరైనోడు, రాజుగారి గది, రన్ రాజా రన్ వంటి సినిమాలలో తన కామెడీతో ఎంతగానో ఆకట్టుకున్న లేడి కమెడియన్ విద్యుల్లేఖ. ఈ నటి మొదట్లో తన ఆకరంతోనే ఆడియెన్స్ ని నవ్విస్తూ ఒక స్పెషల్ క్రేజ్ అందుకుంది. ఇక విద్యుల్లేఖ ఇటీవల సైలెంట్ గా ఎంగేజ్మెంట్ ఈవెంట్ ని పూర్తి చేసుకుంది. గత కొన్ని రోజులుగా తమిళ్ మీడియాలో ఆమె పెళ్లికి సంబంధించిన అనేక రకాల రూమర్స్ వస్తున్నాయి.
ఇక గాసిప్స్ డోస్ ఎక్కువ కాకముందే విద్యుల్లేఖ పెళ్లిపై వివరణ ఇచ్చింది. ఈ బ్యూటీ గత కొంత కాలంగా ఫిట్నెస్ అండ్ న్యూట్రిషన్ నిపుణుడు సంజయ్‌ తో డేటింగ్ చేస్తోంది. ఇక రీసెంట్ గా ఇంట్లో వాళ్ళని ఒప్పించి పెళ్లికి సిద్ధమయ్యారు. ఆగస్టు 26 న నిశ్చితార్థం జరిగినట్లు విద్యుల్లేఖ సోషల్ మీడియా ద్వారా ఒక క్లారిటీ ఇచ్చారు. ప్రస్తుతం అందుకు సంబంధించిన ఫొటోస్ కూడా సోషల్ మీడియాలో వైరల్ అవుతున్నాయి. కొన్ని రోజుల క్రితం ఈ లేడి కమెడియన్ సడన్ గా స్లిమ్ లుక్ తో ఒక వర్గం ఆడియెన్స్ షాక్ ఇచ్చిందని చెప్పాలి. ఇక ఇప్పుడు పెళ్లి వార్తతో మరోసారి మీడియాలో హాట్ టాపిక్ గా నిలుస్తోంది.
