ప్రస్తుతం సినీ తారలకు సంబంధించిన బయోపిక్స్ కి ఏ స్థాయిలో క్రేజ్ అందుతుందో స్పెషల్ గా చెప్పనవసరం లేదు. సావిత్రి బయోపిక్ తెరపై ఏ స్థాయిలో క్లిక్కయ్యిందో స్పెషల్ గా చెప్పనవసరం లేదు. అయితే అదే తరహాలో మరికొంతమంది బయోపిక్స్ కూడా ప్రేక్షకుల ముందుకు రాబోతున్నాయి. అందులో సౌందర్య బయోపిక్ ఒకటి.
1992 నుంచి 2004 వరకు సౌత్ ఇండస్ట్రీలో బిజీగా ఉన్న సౌందర్య అకాల కారణం అప్పట్లో అందరిని కలచివేసింది. హెలికాప్టర్ క్రాష్ లో ప్రాణాలు కోల్పోయిన ఈ అందాల నటి జీవితం తెరపైకి రానున్నట్లు తెలుస్తోంది. ఇక ఆమె పాత్రలో ఫిదా బ్యూటీ సాయి పల్లవి నటించే అవకాశం ఉన్నట్లు టాక్ వస్తోంది. అయితే ఈ సినిమాకు సంబంధించిన టెక్నీషియన్స్ పేర్లు ఇంకా బయటకు రాలేదు. కానీ సౌత్ లోని ఒక బడా నిర్మాణ సంస్థ సౌందర్య బయోపిక్ కోసం స్క్రిప్ట్ రెడీ చేయిస్తున్నట్లు కథనాలు వెలువడుతున్నాయి. తెలుగు తమిళ్ మళయాళం కన్నడ భాషల్లో ఈ బయోపిక్ ని రూపొందించాలని అనుకుంటున్నారట. మరి ఇది ఎంత వరకు నిజమో తెలియాలి అంటే మరికొన్ని రోజులు వెయిట్ చేయాల్సిందే.
