మెగాస్టార్ చిరంజీవి సినిమాకు సంబంధించిన ఆచార్య సినిమా పోస్టర్ ని నేడు ఆయన పుట్టినరోజు సందర్భంగా విడుదల చేసిన విషయం తెలిసిందే. అయితే పోస్టర్ విడుదలైన కొన్ని గంటల్లోనే సోషల్ మీడియాలో ట్రెండ్ సెట్ చేస్తోంది. గతంలో ఎప్పుడు లేని విధంగా స్టార్ హీరోలు, హీరోయిన్స్ మెగాస్టార్ చిరంజీవికి బర్త్ డేకి విషెస్ అందిస్తునే ఆచార్య ఫస్ట్ లుక్ కూడా అదిరింది అంటూ కామెంట్స్ చేస్తున్నారు.
మెగా హీరోలతో పాటు, జూనియర్ ఎన్టీఆర్, మహేష్ బాబు వంటి స్టార్స్ కూడా మెగాస్టార్ కి పుట్టినరోజు శుభాకాంక్షలు తెలియజేశారు. ఇక ఆచార్య సినిమా ఫస్ట్ లుక్ మెగాస్టార్ కెరీర్ లోనే సరికొత్త క్రేజ్ తెచ్చిపెట్టింది. సైరా పోస్టర్స్ కంటే హై రేంజ్ లో ట్రెండ్ అవుతోంది. ఇక కొరటాల శివ దర్శకత్వంలో తెరకెక్కుతున్న ఈ సినిమాలో మెగాస్టార్ రెండు విభిన్నమైన పాత్రలతో కనిపించనున్నట్లు తెలుస్తోంది. ఒక నక్సలైట్ గానే కాకుండా దేవాదాయ శాఖకు సంబంధించిన ప్రభుత్వ ఉద్యోగిగా కూడా నటిస్తున్నట్లు సమాచారం. సినిమాకు మణిశర్మ సంగీతం అందిస్తున్న విషయం తెలిసిందే.
