గ్లోబల్ స్టార్ రామ్ చరణ్ ఫ్యాన్స్‌కు గుడ్ న్యూస్! ‘పెద్ది’ సినిమాతో బిజీగా ఉన్న చరణ్, తాజాగా మరో కొత్త ప్రాజెక్ట్‌కు గ్రీన్ సిగ్నల్ ఇచ్చారట. యూవీ క్రియేషన్స్ బ్యానర్‌పై రూపొందనున్న ఈ సినిమా గురించి ఇప్పటికే ఫ్యాన్స్‌లో ఉత్కంఠ మొదలైంది. సుకుమార్ సినిమా ముందే ఈ ప్రాజెక్ట్‌ను పూర్తి చేయాలని చరణ్ ప్లాన్ చేస్తున్నారని టాక్.
ప్రస్తుతం బుచ్చిబాబు సానా డైరెక్షన్‌లో ‘పెద్ది’ సినిమా షూటింగ్‌లో ఉన్న రామ్ చరణ్, రూరల్ స్పోర్ట్స్ డ్రామాగా రూపొందుతున్న ఈ చిత్రంలో రఫ్ లుక్‌లో కనిపించనున్నారు. ‘పెద్ది’ షూటింగ్ పూర్తయిన వెంటనే యూవీ క్రియేషన్స్ సినిమా సెట్స్‌పైకి వెళ్లే ఛాన్స్ ఉంది. అయితే, ఈ ప్రాజెక్ట్‌కు డైరెక్టర్ ఎవరనేది ఇంకా ఖరారు కాలేదు. మరోవైపు, సుకుమార్ తన నెక్స్ట్ ప్రాజెక్ట్‌కు సమయం తీసుకుంటుండటంతో, చరణ్ ఈ కొత్త సినిమాపై ఫోకస్ చేసినట్లు సమాచారం. ఫ్యాన్స్ మాత్రం చరణ్ నుంచి రానున్న సర్‌ప్రైజ్ కోసం ఆసక్తిగా ఎదురుచూస్తున్నారు. మరి, చరణ్ ఈ కొత్త చిత్రంతో ఎలాంటి సంచలనం సృష్టిస్తారో వేచి చూడాలి.
