వినయ్ కుమార్, శ్రావణి మజ్జరి, అరవింద్ ముదిగొండ, నోమిన తార ప్రధాన పాత్రల్లో నటిస్తున్న సినిమా “కాలమేగా కరిగింది”. ఈ సినిమాను శింగర క్రియేటివ్ వర్క్స్ బ్యానర్ పై మరే శివశంకర్ నిర్మిస్తున్నారు. శింగర మోహన్ దర్శకత్వం వహిస్తున్నారు. పొయెటిక్ లవ్ స్టోరీగా తెరకెక్కిన “కాలమేగా కరిగింది” సినిమా ప్రపంచ కవితా దినోత్సవం సందర్భంగా ఈ నెల 21న గ్రాండ్ థియేట్రికల్ రిలీజ్ కు రెడీ అవుతోంది. ఈ రోజు ఈ సినిమా ప్రీ రిలీజ్ ఈవెంట్ ను హైదరాబాద్ లో ఘనంగా నిర్వహించారు. ఈ కార్యక్రమంలో
ఆదిత్య మ్యూజిక్ నిరంజన్ మాట్లాడుతూ – “కాలమేగా కరిగింది” తెలుగుదనం ఉన్న మంచి సినిమా. అంతా కొత్త వాళ్లే ఈ సినిమా చేసినా అనుభవం ఉన్నవారిలా క్వాలిటీ సినిమా రూపొందించారు. పాటలు చాలా బాగున్నాయి. మా ఆదిత్య నుంచి వీలైనంతగా ఈ సినిమాకు సపోర్ట్ చేస్తున్నాం. అన్నారు.
డీవోపీ వినీతి పబ్బతి మాట్లాడుతూ – చిన్న చిత్రాలకు ఎదురయ్యే ఇబ్బందులు మా “కాలమేగా కరిగింది” సినిమాకు కూడా చూశాం. అవన్నీ దాటుకుని ఇప్పుడు మూవీని రిలీజ్ కు తీసుకొస్తున్నాం. మా టీమ్ లో దాదాపు అందరం స్నేహితులమే. మా సినిమాను థియేటర్స్ లో చూసి మీ రెస్పాన్స్ తెలియజేస్తారని కోరుకుంటున్నా. అన్నారు.
ప్రొడ్యూసర్ మరే శివశంకర్ మాట్లాడుతూ – “కాలమేగా కరిగింది” సినిమాకు సపోర్ట్ చేసిన డైరెక్టర్ గౌతమ్ వాసుదేవ్ మీనన్ గారికి, ఆనంద్ దేవరకొండ అన్నకు థ్యాంక్స్. ఆదిత్య మ్యూజిక్ మా పాటలు బాగా రీచ్ అయ్యేలా సపోర్ట్ చేసింది. అచ్చ తెలుగులో చేసిన స్వచ్ఛమైన ప్రేమ కథ ఇది. మీరంతా మా మూవీని ఈ నెల 21న థియేటర్స్ లో చూసి ఆదరిస్తారని ఆశిస్తున్నాం. అన్నారు.
యాక్టర్ అశ్వత్ మాట్లాడుతూ – “కాలమేగా కరిగింది” సినిమాలో హీరో ఫ్రెండ్ దిలీప్ క్యారెక్టర్ లో నటించాను. అందరం కొత్త వాళ్లం ఈ సినిమా చేశాం. మా ట్రైలర్, టీజర్ కు మీరు ఎంత మంచి రెస్పాన్స్ ఇచ్చారో సినిమాను కూడా థియేటర్స్ లో చూసి అదే ఆదరణ చూపిస్తారని కోరుకుంటున్నాం. అన్నారు.
హీరో అరవింద్ ముదిగొండ మాట్లాడుతూ – ఈ సినిమా మా అందరికీ నాలుగేళ్ల కల. డైరెక్టర్ శింగర మోహన్ అన్నీ తానై ఈ సినిమా రూపొందించాడు. ఈ చిత్రంలో ప్రతి పాత్ర కవితాత్మకంగా మాట్లాడుతుంది. ప్రతి ఫ్రేమ్ ఒక స్టోరీ చెబుతుంది. శింగర మోహన్ పేరు గుర్తుపెట్టుకోండి మళ్లీ మళ్లీ వింటారు. ఈ సినిమా షూటింగ్ టైమ్ లో నాకు మంచి ఫ్రెండ్ అయ్యాడు మోహన్. గుడప్పన్ గారు గుర్తుండిపోయే మ్యూజిక్ ఇచ్చారు. ఫ్యామిలీతో కలిసి చూడాల్సిన చిత్రమిది. మీరంతా ఈ నెల 21న థియేటర్స్ లో మా “కాలమేగా కరిగింది” సినిమాను చూసి సపోర్ట్ చేయండి. అన్నారు
హీరో వినయ్ కుమార్ మాట్లాడుతూ – “కాలమేగా కరిగింది” ఒక బ్యూటిఫుల్ లవ్ స్టోరీ. కలహాలే లేని ప్రేమ కథగా ఆకట్టుకుంటుంది. మా సినిమాను గౌతమ్ వాసుదేవ్ మీనన్ గారు సపోర్ట్ చేయడం ఎప్పటికీ మర్చిపోలేను. జీవితంలో మనం సాధిస్తామని నమ్మేవారు ఎంత ముఖ్యమో, మనం ఏమీ చేయలేం అని నిరుత్సాహపరిచేవాళ్లు కూడా అంతే ముఖ్యం. నిరుత్సాహపరిచే వాళ్లు లేకుంటే మనలో సాధించాలనే పట్టుదల ఉండదు. ఈ సినిమాకు పనిచేసిన టీమ్ అందరికీ థ్యాంక్స్. చిన్న చిత్రాలకు ఉండే ఇబ్బందులన్నీ పడ్డాం. మా మూవీని రిలీజ్ వరకు తీసుకురావడమే సక్సెస్ గా భావిస్తున్నాం. మా మూవీని థియేటర్స్ లో తప్పకుండా చూడాలని కోరుకుంటున్నా. అన్నారు.
డైరెక్టర్ శింగర మోహన్ మాట్లాడుతూ – మూడేళ్ల కిందట మార్చి 21న “కాలమేగా కరిగింది” సినిమా స్క్రిప్ట్ చేశాను. ఈ మార్చి 21న మా మూవీ రిలీజ్ కు వస్తోంది. ఈ మూడేళ్ల ఎక్సిపీరియన్స్ ను మాటల్లో చెప్పలేను. మోస్ట్ పొయెటిక్ లవ్ స్టోరీ మా సినిమా అని చెప్పేందుకు గర్వంగా ఉంది. మా మూవీ ట్రైలర్ లాంఛ్ చేసిన డైరెక్టర్ గౌతమ్ వాసుదేవ్ మీనన్ గారికి థ్యాంక్స్. ఆయన ప్రశంసలు మా సినిమాకు దక్కడం సంతోషంగా ఉంది. మా సినిమా పొయెటిక్ గా ఉంటుంది. ఈ కథను తన మ్యూజిక్ తో మరింత బ్యూటిఫుల్ గా తయారుచేశారు మ్యూజిక్ డైరెక్టర్ గుడప్పన్ గారు. “కాలమేగా కరిగింది” సినిమా నుంచి రిలీజ్ చేసిన సాంగ్స్, టీజర్, ట్రైలర్ బాగున్నాయి అంటే అందుకు గుడప్పన్ గారి మ్యూజిక్ వన్ ఆఫ్ ది రీజన్. మా పాటలని శ్రోతల దగ్గరకు తీసుకెళ్లిన ఆదిత్య మ్యూజిక్ వారికి థ్యాంక్స్. డీవోపీ వినీత్ మా సినిమాకు కళ్లలా పనిచేశాడు. తన కెమెరాతో సినిమాను అందంగా చూపించాడు. ఎడిటర్ యోగేష్ ఎన్ని వెర్షన్స్ అయినా చేసి ఇచ్చాడు. సినిమా పోస్ట్ ప్రొడక్షన్ ముందు థియేటర్స్ లో ఈ సినిమాను ఎలా ఎంగేజ్ చేస్తారు అని అన్నవాళ్లే..ఫైనల్ కాపీ చూసి ఈ సినిమాను థియేటర్స్ లోనే ఎంజాయ్ చేయాలి అన్నారు. అంత క్వాలిటీగా పోస్ట్ ప్రొడక్షన్ చేశారు మా టీమ్. “కాలమేగా కరిగింది” మ్యూజికల్ పొయెటిక్ లవ్ స్టోరీగా ఆకట్టుకుంటుంది. అన్నారు.
నటీనటులు – వినయ్ కుమార్, శ్రావణి మజ్జరి, అరవింద్ ముదిగొండ, నోమిన తార , తదితరులు
టెక్నికల్ టీమ్
రచన దర్శకత్వం – సింగార మోహన్
ప్రొడ్యూసర్ – మరే శివశంకర్
బ్యానర్ – సింగార క్రియేటివ్ వర్క్స్
డీవోపీ – వినీత్ పబ్బతి
ఎడిటర్ – రా యోగేష్
మ్యూజిక్ డైరెక్టర్ – గుడప్పన్
పీఆర్ ఓ- జీఎస్ కే మీడియా (సురేష్ – శ్రీనివాస్)
