సంతోష్ కల్వచెర్ల, క్రిషేక పటేల్ జంటగా నటిస్తున్న సినిమా “కిల్లర్ ఆర్టిస్ట్”. ఈ సినిమాను ఎస్ జేకే ఎంటర్ టైన్ మెంట్ బ్యానర్ పై జేమ్స్ వాట్ కొమ్ము నిర్మిస్తున్నారు. రతన్ రిషి దర్శకత్వం వహిస్తున్నారు. “కిల్లర్ ఆర్టిస్ట్” మూవీ ఈ నెల 21న గ్రాండ్ థియేట్రికల్ రిలీజ్ కు రెడీ అవుతోంది. నైజాం ఏరియాలో ఈ సినిమాను ప్రముఖ డిస్ట్రిబ్యూషన్ కంపెనీ మైత్రీ మూవీ డిస్ట్రిబ్యూషన్ రిలీజ్ చేస్తుండటం విశేషం. ఈ రోజు ఈ సినిమా ప్రీ రిలీజ్ ప్రెస్ మీట్ ను హైదరాబాద్ లో ఘనంగా నిర్వహించారు. ఈ కార్యక్రమంలో
లిరిసిస్ట్ రాంబాబు గోసాల మాట్లాడుతూ – “కిల్లర్ ఆర్టిస్ట్” మూవీ ఈ నెల 21న రిలీజ్ అవుతోంది. మీరంతా సినిమా చూసి పెద్ద హిట్ చేస్తారని కోరుకుంటున్నా. ఈ చిత్రంలో మూడు పాటలు రాశాను. లవ్ సాంగ్స్ తో పాటు బ్రేకప్ సాంగ్ ఉంటుంది. సాంగ్స్ కు మంచి లిరిక్స్ కుదిరాయి. సురేష్ బొబ్బిలి గారు హిట్ ట్యూన్స్ ఇచ్చారు. పాటలకు వస్తున్న రెస్పాన్స్ చూస్తుంటే హ్యాపీగా ఉంది. అన్నారు.
ఎడిటర్ ఆర్ఎం విశ్వనాథ్ కుచనపల్లి – “కిల్లర్ ఆర్టిస్ట్” మూవీ ఎడిటర్ గా నాకు మంచి అవకాశం అని భావిస్తున్నా. స్క్రీన్ ప్లే బాగున్న సినిమాలకు వర్క్ చేస్తే ఎడిటింగ్ కు పేరొస్తుంది. ఈ చిత్రంలో కొత్త తరహా స్క్రీన్ ప్లే చూస్తారు. ఎడిటర్ గా నాకు ఈ సినిమా గుర్తింపు తీసుకొస్తుందని నమ్ముతున్నా. అన్నారు.
సినిమాటోగ్రఫర్ చందూ ఏజే మాట్లాడుతూ – “కిల్లర్ ఆర్టిస్ట్” మూవీకి నేను సినిమాటోగ్రఫీ చేయగలను అని నమ్మి అవకాశం ఇచ్చిన మా డైరెక్టర్, ప్రొడ్యూసర్ కు థ్యాంక్స్. వాళ్ల నమ్మకాన్ని నిలబెట్టుకున్నాననే అనుకుంటున్నా. మా మూవీకి మీరంతా సపోర్ట్ చేస్తారని కోరుకుంటున్నా. అన్నారు.
ప్రొడ్యూసర్ జేమ్స్ వాట్ కొమ్ము మాట్లాడుతూ – “కిల్లర్ ఆర్టిస్ట్” మూవీకి మా టీమ్ అంతా చాలా సపోర్ట్ చేశారు. మా సినిమా మీ చేతుల్లోకి వచ్చే టైమ్ వచ్చేసింది. ఫ్రైడే నుంచి మా మూవీ మీది. చిత్రీకరణ చేస్తున్నంత వరకు సినిమా బాగా రావాలని ప్రయత్నించాం. ఇప్పుడు ఈ సినిమా ఫలితం ఎలా ఉంటుందనే టెన్షన్ పడుతున్నాం. ఈ సినిమా ఫలితం మీద మా హీరో హీరోయిన్స్ డైరెక్టర్ ఇలా..చాలామంది ఫ్యూచర్ ఆధారపడి ఉంది. అందరూ బాగా వర్క్ చేశారు. మా డైరెక్టర్ రతన్ పని రాక్షసుడు. తనకు కావాల్సిన ఔట్ పుట్ తీసుకుంటాడు. హీరో సంతోష్ , హీరోయిన్ క్రిషేక, సోనియా..వీళ్లందరికీ మంచి పేరొస్తుంది. డైరెక్టర్ రతన్ రిషి కూడా వరుసగా సినిమాలు దక్కించుకుంటాడని నమ్ముతున్నా. చిత్రంతో సరికొత్త రొమాంటిక్ థ్రిల్లర్ చూస్తారు. మా మూవీ ట్రైలర్ కు హ్యూజ్ రెస్పాన్స్ ఇచ్చారు. సినిమాకు కూడా సక్సెస్ ఇస్తారని ఆశిస్తున్నాం. అన్నారు.
డైరెక్టర్ రతన్ రిషి మాట్లాడుతూ – “ఆర్టిస్ట్” సినిమాను సెన్సార్ వారి సూచన మేరకు “కిల్లర్ ఆర్టిస్ట్” అని పెట్టుకున్నాం. హత్య చేయడాన్ని కళగా భావించే ఓ వ్యక్తి కథ ఇది. మన సొసైటీలో జరిగిన ఓ వాస్తవ ఘటన ఆధారంగా ఈ కథ రాసుకున్నాను. ఈ మర్డర్స్ ఒకరు చేస్తున్నారా ఇద్దరా అనేది ట్రైలర్ లో సస్పెన్స్ క్రియేట్ చేశాం. సినిమాలోనూ అదే క్యూరియాసిటీ క్రియేట్ అవుతుంది. మర్డర్ ను గ్లోరిఫై చేస్తున్నామనే విమర్శలు వచ్చాయి. అయితే సమాజంలో ఎన్నో జరుగుతాయి. మనకు నచ్చేది తీసుకుంటాం. దాన్నే స్ఫూర్తి అంటాం. ఫ్యామిలీ బ్యాక్ డ్రాప్ నుంచి ఈ కథ మొదలై రొమాంటిక్ సస్పెన్స్ థ్రిల్లర్ గా టర్న్ తీసుకుంటుంది. మా సినిమాలో బాహుబలి ప్రభాకర్, ఛత్రపతి శేఖర్..ఇలాంటి ఆర్టిస్టులంతా కొత్తగా మీకు కనిపిస్తారు. మా టీమ్ అంతా చాలా సపోర్ట్ చేశారు. మా మూవీ టీమ్ లోని ప్రతి ఒక్కరికీ థ్యాంక్స్ చెబుతున్నా. “కిల్లర్ ఆర్టిస్ట్” సినిమా మీకు కొత్త సినిమాటిక్ ఫీల్ కలిగిస్తుందని చెప్పగలను. అన్నారు.
హీరోయిన్ సోనియా ఆకుల మాట్లాడుతూ – ఎంతోమంది కొత్త వాళ్లకు అవకాశం ఇచ్చిన “కిల్లర్ ఆర్టిస్ట్” సినిమా రిలీజ్ కు ముందే సక్సెస్ అయ్యిందని నేను భావిస్తున్నా. ఈ చిత్రంలో నేను కీ రోల్ చేశాను. సినిమా స్టార్టింగ్, ఎండింగ్ నా క్యారెక్టర్ తోనే జరుగుతుంది. నేను చాలా మూవీస్ చేశాను గానీ ఈ చిత్రంతో నాకు నటిగా మంచి గుర్తింపు దక్కుతుందని భావిస్తున్నాను. వాస్తవ ఘటనల ఆధారంగా రాసుకున్న కథ ఇది. వినగానే బాగుంది అనిపించింది. పాటలకు మంచి రెస్పాన్స్ వచ్చింది. హీరో సంతోష్ కు ఈ మూవీతో మంచి పేరు వస్తుందని కోరుకుంటున్నా. ఈ సినిమాలో మిమ్మల్ని సర్ ప్రైజ్ చేసే ఎలిమెంట్స్ ఉంటాయి. ఈ నెల 21న తప్పకుండా థియేటర్స్ లో చూడండి. అన్నారు.
హీరోయిన్ క్రిషేక పటేల్ మాట్లాడుతూ – “కిల్లర్ ఆర్టిస్ట్” సినిమా ద్వారా నేను టాలీవుడ్ కు పరిచయం కావడం సంతోషంగా ఉంది. ఈ చిత్రం కోసం మా టీమ్ అంతా ఎంతో కష్టపడ్డాం. ఇక మా మూవీ రిజల్ట్ మీ చేతుల్లో ఉంది. మా సినిమాకు మొదటి నుంచి మీరంతా సపోర్ట్ చేస్తున్నారు. మా మూవీ ట్రైలర్ కు మంచి రెస్పాన్స్ ఇచ్చారు. థియేటర్స్ లో కూడా “కిల్లర్ ఆర్టిస్ట్” సినిమాను ఆదరిస్తారని కోరుకుంటున్నా. అన్నారు.
హీరో సంతోష్ కల్వచెర్ల మాట్లాడుతూ – “కిల్లర్ ఆర్టిస్ట్” మూవీ ట్రైలర్ కు మీరు ఇచ్చిన హ్యూజ్ రెస్పాన్స్ మా టీమ్ అందరికీ సంతోషాన్నిచ్చింది. ఇండస్ట్రీలో నాకు మొదట అవకాశం ఇచ్చిన డైరెక్టర్ మారుతి గారికి ఎప్పటికీ కృతజ్ఞతగా ఉంటాను. ఆయన ఇచ్చిన ఆ చిన్న అవకాశం ఇప్పటికీ ఫ్యూయల్ గా నన్ను నడిపిస్తోంది. రీసెంట్ గా మా మూవీ ట్రైలర్ ను డైరెక్టర్ బోయపాటి గారికి చూపించాం. ఆయన ట్రైలర్ బాగుందంటూ మా టీమ్ ను అప్రిషియేట్ చేశారు. బోయపాటి గారు మాతో మాట్లాడిన పది నిమిషాలు మర్చిపోలేం. “కిల్లర్ ఆర్టిస్ట్” సినిమా ఓటీటీలో చూడాల్సిన మూవీ కాదు. థియేటర్స్ లోనే చూడాలి. మా సురేష్ బొబ్బిలి అన్న తన మ్యూజిక్ తో సినిమాకు ప్రాణం పోశారు. ట్రైలర్ అంతగా రీచ్ అయ్యిందంటే కారణం బీజీఎం. మా సినిమా సక్సెస్ మీద చాలా నమ్మకంగా ఉన్నాం. మూవీ సక్సెస్ మీట్ కూడా తప్పకుండా పెడతాం. అన్నారు.
నటీనటులు – సంతోష్ కల్వచెర్ల, క్రిషేక పటేల్, సత్యం రాజేశ్, ప్రభాకర్, వినయ్ వర్మ, తనికెళ్ల భరణి, భద్రమ్, తాగుబోతు రమేష్, సుదర్శన్. పి. కిరీటీ, వెంకీ మంకీ, సోనియా ఆకుల, స్నేహమాధురి శర్మ, తదితరులు
టెక్నికల్ టీమ్
ఎడిటర్ – ఆర్ఎం విశ్వనాథ్ కుచనపల్లి
సినిమాటోగ్రఫీ – చందూ ఏజే
మ్యూజిక్ – సురేష్ బొబ్బిలి
సౌండ్ డిజైన్ – సాయి మనీధర్ రెడ్డి
ఆర్ట్ – రవిబాబు దొండపాటి
ఫైట్ మైస్టర్ – దేవరాజు
ఎగ్జిక్యూటివ్ ప్రొడ్యూసర్ – సురేష్ బసంత్
ప్రొడక్షన్ కంట్రోలర్ – వాల్మీకి
లైన్ ప్రొడ్యూసర్ – కుమార్ రాజా
పీఆర్ఓ – జీ ఎస్ కే మీడియా (సురేష్ – శ్రీనివాస్)
డిజిటల్ – సినిమా క్రానికల్
ప్రొడ్యూసర్ – జేమ్స్ వాట్ కొమ్ము
స్టోరీ, డైరెక్షన్ – రతన్ రిషి
