తమిళ్ డైరెక్టర్ శంకర్ దర్శకత్వంలో సంక్రాంతి సందర్భంగా గ్లోబల్ స్టార్ రామ్ చరణ్, కియారా అద్వానీ జంటగా నటిస్తూ ప్రేక్షకుల ముందుకు వచ్చిన చిత్రం గేమ్ చేంజర్. పొలిటికల్ యాక్షన్ డ్రామా జోనర్స్ లో వచ్చిన ఈ చిత్రం సంక్రాంతికి ప్రేక్షకులను థియేటర్లలో అలరించింది. ఎస్ వి సి ప్రొడక్షన్స్ ద్వారా దిల్రాజు నిర్మాణంలో ఈ చిత్రం విడుదలైంది. అయితే ఫిబ్రవరి 7వ తేదీ నుండి ఈ చిత్రం అమెజాన్ ప్రైమ్ ఓటీటీ ప్లాట్ ఫామ్ లో తెలుగు, తమిళ్, కన్నడ భాషలలో స్ట్రీమ్ కానున్నట్లు అమెజాన్ వారు తమ సోషల్ మీడియా ద్వారా తెలిపారు. థియేటర్లో ఎంతో ప్రజలను పొందినప్పటికీ ప్రేక్షకులు ఈ చిత్రం కోసం ఓటిటిలో చూసేందుకు కూడా ఎదురుచూస్తున్నారు. థియేటర్లో మిస్సయిన మెగా ఫ్యాన్స్ కు ఈ వార్త ఫుల్ ఎనర్జీ ఇస్తుంది. ఈ చిత్రంలో ఎస్ జె సూర్య, అంజలి, శ్రీకాంత్, సముద్రఖని, సునీల్, జయరామ్, నవీన్ చంద్ర తదితరులు కీలకపాత్రకు పోషించారు. ఈ చిత్రానికి ఎస్ఎస్ తమన్ సంగీతాన్ని అందించగా తిరు సినిమాటోగ్రాఫర్ గా పని చేశారు.
