ఇండస్ట్రీలోని ట్యాలెంటెడ్ డైరెక్టర్స్ లో నందిని రెడ్డి ఒకరు. “అలా మొదలైంది” సినిమాతో డైరెక్టర్ గా ఇండస్ట్రీలో అడుగుపెట్టిన నందిని రెడ్డి మొదటి సినిమాతోనే సక్సెస్ ఫుల్ డైరెక్టర్ గా నంది అవార్డ్ కూడా అందుకుంది.
ప్రస్తుతం సక్సెస్ రేటు ఎక్కువ వున్న దర్శకుల్లో కూడా నందిని రెడ్డి పేరే వినిపిస్తుంది. నందిని రెడ్డి అలా మొదలైంది, కళ్యాణ వైభోగమే, ఓ బేబీ చిత్రాలు మాస్ క్లాస్ అనే తేడా లేకుండా అందరిని ఆకట్టుకున్నాయి. ఈ మూడు కూడా దేనికవే భిన్నమైన చిత్రాలు.
నిజానికి ఇంత సక్సెస్ రేటు వున్నపుడు బడా హీరోలు డేట్లు ఇవ్వడం పెద్ద కష్టం. ఈ రోజుల్లో ఒక్క హిట్టు కొట్టిన దరాకులతో బిగ్ లీగ్ హీరోలు సినిమాలు కుదుర్చుకోవడం చూస్తున్నాం. కానీ నందిని రెడ్డితో సినిమా అంటే పెద్ద హీరోలు డేట్లు ఇవ్వడానికి ముందు రావడం లేదు.
మరి దీనికి కారణం ఏమిటి ?
డైరెక్టర్ గా నందిని రెడ్డికి అన్నీ క్రాఫ్ట్స్ పై చాలా మంచి పట్టుంది. తను ఒరిజినల్ ఫిల్మ్ మేకర్. కానీ బడా హీరోలు మాత్రం నందినితో సినిమా చేయడానికి ఆసక్తిని చూపడం లేదు.
గతంలో విజయదేవర కొండతో నందిని రెడ్డి సినిమా ప్రకటన వచ్చింది. కానీ ఆ సినిమా ఎందుకో ట్రాక్ లోకి రాలేదు. ఇప్పుడు నందిని రెడ్డి నుంచి రాబోతున్న అన్నీ మంచి శకునములే తో కూడా నాగచైతన్యకు చాలా నచ్చింది. ఓ ఆరునెలలు ట్రావెల్ అయ్యారు. కానీ చైతు ఎందుకో వేరే సినిమాలవైపు వెళ్ళిపోయారు.
ఇదంతా చూస్తుంటే .. సినిమా మీద పెద్ద పరిజ్ఞానం లేకపోయినా రొటీన్ కమర్షియల్ సినిమాలు తీసే మగ డైరక్టర్స్ కి ఇస్తున్న ప్రాధన్యత.. సినిమా పట్ల మంచి సెన్సిబిలిటీస్ వున్న నందిని రెడ్డి లాంటి మహిళ దర్శకులకు వుండటం లేదని స్పష్టమౌతుంది.
ఇప్పుడు నందిని రెడ్డి నుంచి అన్నీ మంచి శకునములే సినిమా వస్తుంది. దీనిపై ప్రేక్షలులతో పాటు ఇండస్ట్రీలో కూడా మంచి అంచనాలు వున్నాయి. వరుస విజయాలు అందిస్తున్న వైజయంతి మూవీస్, స్వప్న సినిమా ఈ ప్రాజెక్ట్ ని నిర్మించడం ఒక ప్రధాన ఆకర్షణ. మరి ఈ సినిమా విజయంతోనైనా నందిని రెడ్డితో సినిమా చేయడనికి పెద్ద హీరోలు ముందుకు వస్తారేమో చూడాలి.
