ఉయ్యాల జంపాల సినిమాలో సహనటిగా హోమ్లీ క్యారెక్టర్ లో కనిపించిన పునర్నవి భూపాలన్ చాలా రోజుల తరువాత ఒక సర్ ప్రైజ్ షాక్ ఇచ్చింది. ఆమె లవ్ లో ఉన్నట్లు చాలా రోజులుగా రూమర్స్ వస్తున్న విషయం తెలిసిందే. ఇక ఫైనల్ గా ఒక యువకుడి ప్రేమకు ఆమె ఓకే చెప్పింది. అందుకు సంబంధించిన విషయాన్ని కూడా ఆమె సోషల్ మీడియాలో పోస్ట్ చేసింది.
సినిమాలతోనే కాకుండా బిగ్ బాస్ సీజన్ 3లో కూడా కంటెస్టెంట్ గా ఎంట్రీ ఇచ్చి మంచి క్రేజ్ అందుకున్న ఈ బ్యూటీ సీక్రెట్ గా ఎంగేజ్మెంట్ చేసుకున్నట్లు రూమర్స్ వస్తున్న తరుణంలో వెంటనే క్లారిటీ ఇచ్చేసింది. ఇక వరుడు ఎవరంటే.. అతని పేరు ఉద్భవ్ రఘనందన్. చికాగో సుబ్బరావ్ అనే యూ ట్యూబ్ ఛానెల్ ద్వారా మంచి క్రేజ్ అందుకున్నాడు. యూఎస్ లో జీవితాల గురించి కామెడీగా రివ్యూ ఇస్తూ పాపులర్ అయ్యాడు. ఇక పునర్నవి ఎలా పరిచయం అయ్యిందో గాని మొత్తానికి పెళ్లి చేసుకోబోతున్నట్లు క్లారిటీ ఇచ్చేశారు. రేపు పెళ్లికి సంబంధించిన మరో మరో అప్డేట్ కూడా ఇవ్వనున్నట్లు పునర్నవి వివరణ ఇచ్చింది.
