లేడి సూపర్ స్టార్ నయనతార ప్రస్తుతం ‘ముక్కుతి అమ్మన్’ చిత్రంతో హిట్ కొట్టాలని తెగ కష్టపడుతోంది. ఈ చిత్రానికి కథ, స్క్రీన్ ప్లే, స్క్రిప్ట్ రాసిన ఆర్జే బాలాజీ దర్శకుడు ఎన్.జె.శరవణన్ తో కలిసి దర్శకత్వం వహిస్తున్నారు. వేల్స్ ఫిల్మ్ ఇంటర్నేషనల్ తరపున కె. గణేష్ నిర్మించిన ఈ చిత్రం ఈ దీపావళిని OTT లో విడుదల కావడానికి సిద్దమవుతోంది.
ఈ చిత్ర ట్రైలర్‌ను తమిళం, తెలుగు భాషల్లో సూపర్ స్టార్ మహేష్ బాబు విడుదల చేశారు. తెలుగులో అమ్మోరు తల్లి పేరుతో విడుదల కానున్న సినిమా యొక్క ఈ ట్రైలర్ ఆడియెన్స్ ని అమితంగా ఆకట్టుకుంటోంది. నయనతార నెవర్ బోఫోర్ అనేలా ఒక అమ్మోరు పాత్రలో దర్శనమిస్తోంది. రెగ్యులర్ కమర్షియల్ కథలా కాకుండా కామెడీ ప్లస్ సీరియస్ డ్రామా తరహాలో సినిమాను డిజైన్ చేసినట్లు అర్ధమవుతోంది. చూస్తుంటే నయన్ మరోసారి బాక్సాఫీస్ వద్ద తన సత్తా చాటేలా ఉందని అర్ధమవుతోంది. ఇక చిత్త యూనిట్ కి మహేష్ తన బెస్ట్ విషెస్ అంధించారు.
