ఉయ్యాల జంపాల సినిమాతో ఇండస్ట్రీకి పరిచయమైన రాజ్ తరుణ్ ఆ తరువాత ఆ తరువాత సినిమా చూపిస్త మావ, కుమారి 21ఎఫ్ సినిమాలతో బాక్సాఫీస్ హిట్స్ అందుకున్న విషయం తెలిసిందే. అయితే ఆ తరువాత ఎందుకో ఈ హీరో వరుస డిజాస్టర్స్ తో సతమతమయ్యాడు. ఇక కొన్ని మంచి కథలను కూడా రిజెక్ట్ చేశాడని టాక్ వచ్చింది. ఇక ఆ కథనాలపై ఇటీవల ఇచ్చిన ఇంటర్వ్యూలో వివరణ ఇచ్చారు.
రాజ్ తరుణ్ మాట్లాడుతూ.. ట్యాక్సీవాలా కథ మొదట నాకే వచ్చింది. కథ బావుంది కానీ హారర్ వద్దని అనుకున్నా. ఇక ‘గీత గోవిందం’ ఆఫర్‌ అయితే నాకు రాలేదు. శతమానం భవతి కథ చెప్పినప్పుడు వరుసగా మూడు సినిమాలకు కమిట్మెంట్ ఇచ్చాను. డేట్స్ కుదరక వధులుకోవాల్సి వచ్చింది. ఇక ‘నేను లోకల్‌’ కథను రైటర్ ప్రసన్న నాకు ముందే చెప్పాడు గాని నాతో చేయాలనే ఉద్దేశంతో కాదు. అతను రాసుకున్న ప్రతి కథ నాకు చెబుతాడు. హలో గురు ప్రేమ కోసమే కూడా ముందు నాకు చెప్పిందే.. అంటూ రాజ్ తరుణ్ ఆ సినిమాలపై ఒక క్లారిటీ ఇచ్చాడు.
