ప్రముఖ తెలుగు రచయిత యండమూరి వీరేంద్రనాథ్ రాసే కథలు ఎలా ఉంటాయో స్పెషల్ గా చెప్పనవసరం లేసు. అయితే ఆయన రాసిన నవల ఆనందో బ్రహ్మ హక్కులను అమెరికాలో స్థిరపడ్డ ప్రముఖ తెలుగు దర్శక నిర్మాత ముక్తేశ్ రావు మేక సొంతం చేసుకోవడం హాట్ టాపిక్ గా మారింది. ఇంటర్నేషనల్ లెవెల్లో 3 హాలీవుడ్ సినిమాలను రూపొందిస్తున్న ముక్తేశ్ ఆనందో బ్రహ్మ నవల రైట్స్ ని కూడా కొనుగోలు చేశారు.
1729 పిక్చ‌ర్స్ హాలీవుడ్ ప్రొడ‌క్ష‌న్ కంపెనీ బ్యాన‌ర్ మీద ఆ నవలను తెరకెక్కించాలని ఆయన ప్లాన్ చేస్తున్నారు. మనుషుల మధ్య సంబంధాలను, ఆత్మీయానుబంధాల యొక్క అసలు అర్దాన్ని చెప్పిన ఈ నవల త్వరలో వెండితెరపై రానున్నట్లు వివరణ ఇచ్చారు. ఓం పల్లెటూరి యువకుడు పట్నం వస్తే.. అతడిని ఓ గృహిణి సేద తీరుస్తుంది. వారిద్దరి మధ్య ఉన్నది ఏంటి? ప్రేమా? ఆకర్షణా? అనుబంధమా? శృంగారమ? అనే అంశాలను హైలెట్ చేస్తూ యండమూరి ఈ నవల అల్లారు. ఆత్మీయానుబంధాల కలబోతగా కల ఈ నవలను అధునాతన టెక్నాలజీతో ముక్తేశ్ రావు మేక తెరకెక్కించనున్నారు.
