సోషల్ మీడియా ప్రపంచంలో ఏది నిజం ఏది అబద్ధం అనే విషయం కనుగోవడం పెద్ద మిస్టరీగా మారింది. బ్రతికి ఉన్నవారు కూడా మన మధ్య ఇక లేరు అంటూ వార్తలు ప్రసారం చేస్తున్నారు. ఇటీవల నితిన్ హీరోయిన్ విషయంలో కూడా అలాంటి పొరపాటే జరిగింది. బాలీవుడ్ లో ఒక నటి చనిపోతే ఆమె స్థానంలో మరొకరిని ఉంచి కంగారు పెట్టారు.
ఇక ఆ విధంగా తప్పుడు వార్తలతో ఇబ్బంది పడ్డ నటి మరెవరో కాదు. నితిన్ తో చిన్నదాన నీకోసం అనే సినిమాలో నటించిన మిష్టీ చక్రవర్తి. కిడ్నీ ఫెయిల్యూర్ తో ఆమె చనిపోయినట్లు కొన్ని కథనాలు వెలువడ్డాయి. దీంతో ఒక్కసారిగా ఆమె సన్నిహితులు షాక్ అయ్యారట. విషయం తెలుసుకున్న మిష్టీ వెంటనే క్లారిటీ ఇచ్చింది. ఇది నిజం కాదని సోషల్ మీడియాలో ఫేక్ వార్తలను కొట్టిపారేసింది. నిజానికి చనిపోయింది బాలీవుడ్ నటి మిష్టీ ముఖర్జీ. ఇటీవల ఆమె కిడ్నీ సంబంధిత వ్యాధితో మరణించడంతో పేరు వల్ల కన్ఫ్యూజన్ కి గురైన కొందరు చిన్నదాన నీకోసం హీరోయిన్ ఫోటోలను ప్రచారం చేశారు. ఇక ఆ వార్త వైరల్ కాకముందే మిష్టీ చక్రవర్తి కూల్ గా క్లారిటీ ఇచ్చేసింది.
