తిరుమల బ్రహ్మోత్సవాల్లో ఏడో రోజు సూర్యప్రభ వాహన సేవ వైభవంగా జరిగింది. తిరుమల శ్రీవారి సాలకట్ల బ్రహ్మోత్సవాల్లో ఏడో రోజైన సోమవారం ఉదయం శ్రీ మలయప్పస్వామివారు సూర్యప్రభ వాహనంపై భక్తులను కటాక్షించారు. ఈ కార్యక్రమానికి TTD కార్యనిర్వహణాధికారి శ్రీ ముద్దడ రవిచంద్ర, అదనపు కార్యనిర్వహణాధికారి శ్రీ చ. వెంకయ్య చౌదరి, CVSO శ్రీ మురళీకృష్ణ, SVBC చైర్మన్ శ్రీ శ్రీధర్ వర్మ, బోర్డు సభ్యులు శ్రీ భానుప్రకాష్ రెడ్డి మరియు ఇతర ఉన్నత అధికారులు హాజరయ్యారు.
ఈ సందర్భంగా SVBC చైర్మన్ శ్రీ శ్రీధర్ వర్మ తమ కుటుంబ సభ్యులతో కలిసి సాంస్కృతిక కళా బృందంలో పాల్గొని ప్రదర్శన ఇచ్చారు. అనంతరం ఆయన మాట్లాడుతూ, సూర్యప్రభ వాహన సేవలో పాల్గొన్న భక్తులందరికీ శ్రీ వేంకటేశ్వరస్వామివారి ఆశీస్సులు ఉండాలని ఆకాంక్షించారు.
