కరోనావైరస్ మహమ్మారి కారణంగా సుదీర్ఘ విరామం తరువాత తెలుగు సినిమాకు చెందిన పలువురు యువ నటులు సెప్టెంబర్ నుండి తిరిగి సినిమాలతో మళ్ళీ బిజీ అవుతున్నారు. మరికొందరు స్టార్ హీరోలు అక్టోబర్ నుంచి షూటింగ్స్ స్టార్ట్ చేయనున్నారు. ఇక అల్లు అర్జున్ పుష్పా అనే యాక్షన్ ఎంటర్టైనర్ పై దృష్టి పెట్టారు. ఎర్ర చందనపు మాఫియా బ్యాక్ డ్రాప్ లో తెరకెక్కుతున్న ఈ సినిమా దట్టమైన అడవులలో షూట్ చేస్తున్నారు. ఇక రెగ్యులర్ షూటింగ్‌ను నవంబర్‌లో యాక్షన్ ఎపిసోడ్‌తో ప్రారంభించే ఆలోచనలో ఉన్నారు.
ఇక ప్రస్తుతం అల్లు అర్జున్ యాక్షన్ ఎపిసోడ్ కోసం కఠినంగా శిక్షణ పొందుతున్నట్లు టాక్. పీటర్ హెయిన్స్ యాక్షన్ స్టంట్‌గా వర్క్ చేస్తున్న విషయం తెలిసిందే. హైదరాబాద్‌లోనే స్టంట్ రిహార్సల్స్ జరుగుతున్నట్లు సమాచారం. ఇక అల్లు అర్జున్ లుక్ కూడా సరికొత్తగా డిజైన్ చేయబడింది. స్టైలిష్ స్టార్ ఈ సినిమాలో లారీ డ్రైవర్‌గా నటించనున్న విషయం తెలిసిందే. ఇక ఈ చిత్రం కోసం ఆయన స్పెషల్ గా చిత్తూరు యాసపై పట్టు సాధిస్తున్నాడు. కేరళలో కూడా యాక్షన్ ఎపిసోడ్ చేయటానికి సుకుమార్ ఆసక్తిగా చూపుతున్నాడు. అందుకోసం కేరళ ప్రభుత్వం అనుమతి రావాల్సి ఉంది. అనుమతులు నిరాకరించబడితే, యాక్షన్ ఎపిసోడ్ మరేదుమిల్లి అడవులలో చిత్రీకరించబడుతుందని టాక్.
