ఇండియన్ బిగెస్ట్ పాన్ ఇండియా సినిమాగా రూపొందుతున్న ప్రభాస్ ఆదిపురుష్ పై అంచనాలు ఏ రేంజ్ ల్ ఉన్నాయో స్పెషల్ గా చెప్పనవసరం లేదు. ఈ సినిమా కోసం అన్ని వర్గాల అభిమానులు ఎంతో ఆసక్తిగా ఎదురుచూస్తున్నారు. రామాయణ కథ ఆధారంగా తెరకెక్కుతున్న ఈ 3D సినిమాలో ప్రభాస్ రాముడిగా కనిపించనున్న విషయం తెలిసిందే. ఇక సీత పాత్రపై గత కొన్నిరోజుల నుంచి అనేక రకాల రూమర్స్ వస్తున్నాయి.
ఇక ఫైనల్ గా ప్రభాస్ కి సరిజోడి అయిన అనుష్కను ఫిక్స్ చేసినట్లు కథనాలు వైరల్ అవుతున్న సమయంలో అనుష్క వాటిపై వివరణ ఇచ్చింది. నిజానికి అలాంటి ఆఫర్ ఇంతవరకు అయితే తన వద్దకు ఏమి రాలేదని తెలిపింది. దీంతో ఆది పురుష్ లో సీత పాత్రలో అనుష్క ఫిక్స్ అయ్యిందని వస్తున్న వార్తల్లో ఎలాంటి నిజం లేదని ఒక క్లారిటీ వచ్చేసింది. ఇక కీయరా అద్వానీ, నయనతార, కీర్తి సురేష్ వంటి స్టార్ హీరోయిన్స్ పేర్లు కూడా గట్టిగానే వినిపించాయి. కానీ అందులో కూడా నిజం లేదని చిత్ర యూనిట్ రూమర్స్ ని కొట్టి పారేశాయి. మరి సీత పాత్ర కోసం ఎవరిని సెలెక్ట్ చేసుకుంటారో చూడాలి.
