సినిమా మాఫియాలపై ఒక్కసారిగా విరుచుకుపడిన నటి కంగనా రనౌత్ మరోసారి కొన్ని షాకింగ్ విషయాలను రివీల్ చేశారు. తన తాజా ఇంటర్వ్యూలో చాలా మంది నటులు డ్రగ్స్ భారిన పడ్డారని బాలీవుడ్ లో ఎవరికి తెలియని చీకటి కోణాన్ని తాను చూశానని అన్నారు. రియా చక్రవర్తి సహచరులతో చేసిన ‘డ్రగ్ చాట్’ న్యూస్ ఛానెల్‌లో లీక్ అయిన తర్వాత కంగనా ఈ విధంగా కామెంట్స్ చేయడం హాట్ టాపిక్ గా మారింది.
కంగనా మాట్లాడుతూ, ఒకప్పుడు బాలీవుడ్ యొక్క శక్తివంతమైన క్లబ్‌లో భాగంగా ఉన్నప్పుడు, ప్రతిరోజూ రాత్రి పార్టీలకు హాజరవుతూ వచ్చాను. అందులో ప్రముఖులు మాదకద్రవ్యాలకు పాల్పడుతున్నారు. చాలా మంది యువ నటులు , నా వయస్సు వారు కూడా వ్యక్తిగతంగా మాదకద్రవ్యాలను తీసుకుంటూ జీవితల్ని నాశనం చేసుకుంటున్నారు. అలాగే కొంతమంది నటులు సీక్రెట్ కోడ్స్ ద్వారా డ్రగ్స్ తీసుకుంటున్నారు. డీలర్లు ద్వారా ప్రతిదీ క్రమపద్ధతిలో నిర్వహించబడుతుంది. వారి భార్యలు కూడా ఈ పార్టీలకు ఆతిథ్యం ఇస్తారు. ఇది పూర్తిగా భిన్నమైన వాతావణం. డ్రాగ్స్ బిజినెస్ కోసం కొన్ని కార్యక్రమాలు ప్రత్యేకంగా నిర్వహిస్తున్నారు. ఈ బాలీవుడ్-డ్రగ్ మాఫియా పెరగడానికి కూడా చాలా ప్రభుత్వాలు సహాయపడ్డాయి.. అని కంగనా వివరణ ఇచ్చింది.
