అక్కినేని మన్మథుడు నాగార్జున ఈ నెల 29న 61వ వసంతంలోకి అడుగుపెట్టబోతున్న విషయం తెలిసిందే. అయితే ఆ బర్త్ డే రోజున నాగ్ సినిమాలకు సంబంధించి ఎలాంటి అప్డేట్స్ ఇస్తారు అనేది హాట్ టాపిక్ గా మారింది. ప్రస్తుతం వైల్డ్ డాగ్ సినిమాతో బిజీగా ఉన్న నాగార్జున ప్రవీణ్ సత్తారు దర్శకత్వంలో కూడా ఒక డిఫరెంట్ సినిమాను చేయనున్నట్లు ఎనౌన్స్ చేసిన విషయం తెలిసిందే.
అయితే త్వరలోనే పుట్టినరోజు సందర్భంగా నాగార్జున మరో కొత్త ప్రాజెక్టును ప్రకటించనున్నట్లు టాక్ వస్తోంది. నాగ్ సూపర్ కాంబినేషన్ ని రిపీట్ చేయబోతున్నాడట. పూరి జగన్నాథ్ దర్శకత్వంలో శివమణి, సూపర్ వంటి సినిమాలను చేసిన మన్మథుడు ఈ సారి కూడా స్టైలిష్, మాస్ ఎంటర్టైనర్ కథతో రానున్నట్లు టాక్ వస్తోంది. మరోవైపు పూరి జగన్నాథ్ విజయ్ దేవరకొండతో సినిమా చేస్తూనే.. మరో ఇద్దరు హీరోల కోసం ట్రై చేస్తున్నాడు. నాగార్జున కోసం కూడా ఒక కథను సిద్ధం చేసుకున్న పూరి ఎవరు ముందు అందుబాటులో ఉంటే వారితో నెక్స్ట్ సినిమాను చేయాలని అనుకుంటున్నాడట. మరి ఇది ఎంతవరకు నిజమో తెలియాలి అంటే నాగ్ పుట్టినరోజు వరకు వెయిట్ చేయాల్సిందే.
