టాలీవుడ్ విక్టరీ వెంకటేష్ ప్రస్తుతం నారప్ప సినిమాతో సిద్దమవుతున్న విషయం తెలిసిందే. ధనుష్ నటించిన తమిళ్ మూవీ అసురన్ కి రీమేక్ గా వస్తున్న ఈ సినిమాపై అంచనాలు భారీగానే ఉన్నాయి. అయితే ఇది వెంకీకి 74వ సినిమా. ఇక ఆ తరువాత 75వ సినిమా కాస్త స్పెషల్ అనే చెప్పాలి. అయితే ఆ స్పెషల్ ప్రాజెక్టును ఎవరు డైరెక్ట్ చేస్తారు అనేది ఇప్పుడు హాట్ టాపిక్ గా మారింది.
ప్రస్తుతం పూరీ జగన్నాథ్, అనిల్ రావిపూడి వంటి దర్శకుల పేర్లు గట్టిగానే వినిపిస్తున్నప్పటికి ఇంకా అఫీషియల్ ఎనౌన్స్మెంట్ అయితే రాలేదు. అయితే లిస్ట్ లోకి త్రివిక్రమ్ శ్రీనివాస్ వచ్చినట్లు తెలుస్తోంది. నువ్వు నాకు నచ్చావ్, మల్లీశ్వరి వంటి సినిమాలకు కథ, మాటలు అందించి వెంకీకి మంచి హిట్స్ ఇచ్చిన త్రివిక్రమ్ ఇంతవరకు వెంకీని డైరెక్ట్ చేయలేదు. ఇక ఆయన 75వ సినిమా కోసం మాటల మాంత్రికుడు సిద్ధమవుతున్నట్లు తెలుస్తోంది. జూనియర్ ఎన్టీఆర్ ప్రాజెక్టు అనంతరం వెంకీతో కలిసి వర్క్ చేసే అవకాశం ఉన్నట్లు టాక్.
