బుల్లితెర కార్యక్రమాల్లో పాల్గొంటున్న ప్రముఖులలో కొంతమందిపై కరోనావైరస్ వేగంగా దాడి చేస్తోంది. ఏంత జాగ్రత్తగా ఉన్నప్పటికీ వైరస్ తీవ్రత ఏ మాత్రం తగ్గడం లేదు. ఇక రీసెంట్ గా ప్రముఖ గాయకులు సునీత మరియు మాళవికలు కూడా కరోనా భారిన పడినట్లు తెలుస్తోంది. వీరిద్దరు ఇటీవల ఒక టీవీ షోలో పాల్గొన్నారు. అయితే షూటింగ్ లో కొందరికి పాజిటివ్ రావడంతో ఈ సింగర్స్ ఇటీవల పరీక్షలు చేయించుకోగా పాజిటివ్ అని వచ్చింది.
వెంటనే సునీత, మాళవిక సొంతంగా హోమ్ క్వారంటైన్ లోకి వెళ్లారు. అలాగే వారితో ఇటీవల కాంటాక్ట్ అయిన వారికి కూడా సమాచారం అందించినట్లు తెలుస్తోంది. ఇటీవల ఎస్పీ బాలసుబ్రహ్మణ్యం, తేజ, రాజమౌళి, బండ్ల గణేష్, డివివి దానయ్య, నాగ వంశీ, మరియు ఇతర ప్రముఖులు కూడా కరోనా భారిన పడిన విషయం తెలిసిందే. ఇటీవల కోలుకున్న రాజమౌళి కుటుంబ సభ్యులతో కలిసి కరోనా పేషేంట్స్ కోసం ప్లాస్మా దానం కూడా చేశారు.
