సుశాంత్ సింగ్ రాజ్ పుత్ మరణించి రెండు నెలలు పూర్తయ్యింది. అయితే ఇంకా జనాలు సుశాంత్ ని ఏ మాత్రం మరచిపోలేదని అర్ధమవుతోంది. కరోనా లేకపోయి ఉండి ఉంటే.. దిల్ బేచారా సినిమా థియేటర్లలో ఇప్పుడు రిలీజ్ అయ్యి ఉంటే గనక బాహుబలి రికార్డులు సైతం బద్దలయ్యేవేమో.. అంతగా ఆడియెన్స్ సుశాంత్ కి ఎమోషనల్ గా కనెక్ట్ అయ్యారు.
ఇక ఫైనల్ గా మరికొన్ని రోజుల్లో ఈ సినిమా థియేటర్లలో రిలీజ్ అయ్యే అవకాశం ఉన్నట్లు తెలుస్తోంది. అంటే ఇప్పుడు మన దేశంలో కాదులేండి. ముందుగా న్యూజిలాండ్ లో ప్రదర్శించనున్నారు. అక్కడ కరోనా మాయమైన విషయం తెలిసిందే. ఇక ఆస్ట్రేలియా అలాగే మిగతా దేశాల్లో కూడా థియేటర్స్ తెరచుకుంటే సినిమాని గ్రాండ్ గా రిలీజ్ చేయాలని చూస్తున్నారు. గత నెల 24న హాట్ స్టార్ లో విడుదలైన దిల్ బేచారా ఇండియన్ థియేటర్స్ లో మళ్ళీ రిలీజ్ అయ్యే అవకాశం ఉన్నట్లు టాక్. ఈ ఏడాది చివరలో థియేటర్స్ ఓపెన్ అయ్యే అవకాశం ఉంది. మరి అప్పుడు ఈ సినిమా ఇండియన్ బాక్సాఫీస్ వద్ద ఎలాంటి రికార్డులు అందుకుంటుందో చూడాలి.
